Myndlistaskólinn á Akureyri er sjálfstæð menntastofnun sem hefur það markmið að veita nemendum þekkingu og þjálfun í hverskonar myndlistar- og hönnunargreinum. Námið miðar að því að nemendur öðlist sérhæfingu og geti unnið sjálfstætt á sínu sérsviði að námi loknu.
Myndlistaskólinn leitast við með starfi sínu að efla áhuga og skilning á menningu og listum.
Myndlistaskólinn kappkostar að örva og auka skilning á mikilvægi skapandi þátta við mótun umhverfisins og gildi þeirra fyrir atvinnulífið.
Markmið.
að nemendur tileinki sér þekkingu á grundvallarlögmálum og færni í aðferðum lista og hönnunar, til eigin sköpunar og skilnings.
að nemendur tileinki sér þekkingu á því menningarlega samhengi sem list og hönnun sprettur úr, á listrænum menningararfi og á helstu stefnum og straumum í listheiminum
að nemendur tileinki sér annars vegar hæfni til umfjöllunar um eðli listar og hönnunar og hins vegar færni til að skynja, greina og meta list og hönnun og leggja þannig grunn að persónulegu mati.
að miðla, fræða og skýra út viðfangsefnið en gera gera nemendur sjálfa virka í að finna vandann og leysa verkefnin af eigin rammleik.
að hlúa sem best að þroskaþrá nemendanna með gagnkvæmu samspili milli þeirra og kennaranna.
að nemendur tileinki sér þekkingu á grundvallarlögmálum og færni í aðferðum lista og hönnunar, til eigin sköpunar og skilnings.
að nemendur öðlist sem fjölbreyttasta listræna reynslu.
að skilgreina og endurmeta reglulega námsáherslur til að gera starfið sem skilvirkast.
Skipulag og stjórnun
Skólastjóri er yfirmaður skólans og æðsti fulltrúi hans gagnvart einstaklingum og stofnunum. Hann ber faglega og fjárhagslega ábyrgð á rekstri skólans og annast eftirlit með daglegum rekstri hans. Skólanefnd fjallar um framtíðarskipulag skólans og er skólastjóra til ráðuneytis um rekstur hans. Skólastjóri kallar skólanefnd saman a.m.k. fjórum sinnum á ári.
Skólastjóri er Helgi Vilberg og formaður skólanefndar er Valtýr Hreiðarsson, framkvæmdastjóri.
Fulltrúar NEMA, nemendafélags í skólaráði eru Nanna Hólm Davíðsdóttir (aðalfulltrúi) og Björgvin Björgvinsson (varafulltrúi).
Skrifstofa
Skrifstofustjóri er fulltrúi skólastjóra og vinnur að skipulagningu, skráningu og hefur umsjón með nemendaspjaldskrá auk þess að annast alla almenna afgreiðslu ásamt samstarfsfólki. Starfsfólk annast kynningu á námsframboði og veitir upplýsingar um námstilhögun og veitir ráðleggingar. Starfsfólk skrifstofu hefur umsjón með alþjóðlegum samskiptum. Afgreiðsla er opin frá 13:00 - 16:00 virka daga.
Skrifstofustjóri er Soffía Sævarsdóttir
Kennarar
Kennarar við skólann eru vel menntaðir og hafa fullgild réttindi til kennslu. Kennarar skipuleggja og annast kennslu í einstökum greinum eða námskeiðsáföngum. Þeim ber að skila kennsluáætlun á þar til gerðu eyðublaði þremur vikum áður en kennsla hefst og greinargerð um efni og áhöld sem nota á í kennslunni. Nemendur eiga að fá í hendur stutta og greinargóða lýsingu á markmiðum námskeiðsins og þeim kröfum sem gerðar verða til þeirra.
| Aðalheiður S. Eysteinsdóttir | myndlistarmaður |
| Arnar Sigurðsson | grafískur hönnuður |
| Arnfríður Arnardóttir | myndlistarmaður |
| Árni Árnason | húsgagna- og híbýlahönnuður |
| Baldvin Ringsted | myndlistarmaður |
| Brynja Baldursdóttir | grafískur hönnuður |
| Hörður Lárusson | grafískur hönnuður |
| Helgi Vilberg | myndlistarmaður |
| Hlynur Hallsson | myndlistarmaður |
| Jonina Skaggs | grafískur hönnuður |
| Magne Kvam | grafískur hönnuður |
| Janne Laine | myndlistarmaður |
| Jóhann Heiðar Jónsson | grafískur hönnuður |
| Jón Laxdal Halldórsson | myndlistarmaður |
| Jónas Viðar Sveinsson | myndlistarmaður |
| Jónina Skaggs | grafískur hönnuður |
| Kristján Pétur Guðnason | ljósmyndari |
| Linda Björk Óladóttir | myndlistarmaður |
| Helga Kvam | listljósmyndari |
| Hannes G. Stefánsson | grafískur hönnuður |
| Rafn Ingi Finnsson | grafískur hönnuður |
| Rannveig Helgadóttir | myndlistarmaður |
| Aldís María Valdimarsdóttir | grafískur hönnuður |
| Sigurður Ólafsson | heimspekingur |
| Stefán Jóhann Boulter | myndlistarmaður |
| Þórarinn Blöndal | myndlistarmaður |
| Jóna Hlíf Halldórsdóttir | myndlistarmaður |
Gagnasafn.
Bóka- og gagnasafns skólans er ákaflega mikilvægt enda mikið notað af nemendum og kennurum. Kjarni safnsins eru sérfræðibækur og handbækur á sviði listasögu, myndlistar, hönnunar og listmenntunar. Einnig er þar að finna geisladiska og myndbönd um listamenn, listasöfn og liststefnur. Safninu er áskrifandi að margvíslegum tímaritum. Gott samstarf er við Amtsbókasafnið og bókasafn Háskólans á Akureyri.
Tölvur og Internet.
Myndlistaskólinn á Akureyri hefir átt frumkvæði á sviði nýtækni og nýsköpunar í listum og listmenntum og í skólanum er lögð sérstök áhersla á að nýta stafræna miðla í námi og kennslu. Nemendur hafa afnot af fullkomnum tölvubúnaði og fá tilsögn í að hagnýta sér hina nýju tækni á skapandi hátt.
Grafíkverkstæði.
Á undanförnum árum hefir grafíkverkstæði skólans eflst verulega með endurnýjun tækja og áhalda. Þeir nemendur sem lokið hafa grunnnámskeiði í grafík hafa aðgang að verkstæðinu enda markmiðið að stuðla að framgangi þessarar listgreinar innan skólans. Strangar reglur gilda um umgengni og frágang efna.
Húsnæði.
Starfsemi Myndlistaskólans á Akureyri fer fram í leiguhúsnæði að Kaupvangsstræti 14 - 16. Húsnæðið er nýinnréttað á þremur hæðum samtals 1100 fermetrar. Á 1. hæð er Listhönnunardeild í tveimur sölum vel búnum húsgögnum og fullkomnum tölvubúnaði og jaðartækjum. Fundarsalur búinn viðeigandi tækjabúnaði og tvær samliggjandi kennslustofur fyrir módel- og málunarnámskeið með trönum borðum og brettum. Þrjár snyrtingar, ræstingarklefi og tölurými sem hýsir miðlara skólans og þess háttar búnað. Á 2. hæð er Fagurlistadeild í þremur samliggjandi sölum með 5 metra lofthæð, stórum gluggum og fullkominni raflýsingu og öllum nauðsynlegum búnaði. Grafík verkstæði er búið fullkomnum pressum og öðrum áhöldum. Þrjár snyrtingar eru á hæðinni auk kaffistofu nemenda og forstofu. Á 3. hæð er skrifstofur, kennarastofa, bókasafn og Listfræðsludeild. Fornámsdeild hefur til umráða bjartan og rúmgóðan sal með fögru útsýni. Barnadeildinni er vel búin áhöldum og tækjum enda ávallt verið lögð rækt við þann hluta starfseminnar sem lýtur að börnum og unglingum. Húsnæði skólans er opið frá kl. 7.45 til kl. 21.30.